“Ademais
dos descansos sinalados no artigo 25 deste Convenio, e sen que sexan
acumulativas a estes, e tamén coa consideración de tempo efectivo
de traballo, o persoal de operacións que desenvolva a súa
actividade en pantallas de visualización de datos, terá
unha pausa de cinco minutos por cada hora de traballo efectivo.
As devanditas pausas non serán acumulativas entre si.
Corresponderá
ao empresario a distribución e forma de levar a cabo as devanditas
pausas, organizándoas de modo lóxico e racional en función das
necesidades do servizo, sen que tales pausas poidan demorar,
nin adiantar, o seu inicio máis de 15 minutos respecto
a cando cumpran as horas fixadas para a súa execución.”
- Mentres nós interpretamos que Unísono
non pode poñernos dúas pausas PVD con máis dunha hora de
diferencia, eles interpretan que pode transcorrer hora e vinte.
- Mentres nós interpretamos que os 15
minutos forman parte da autonomía do traballador/a, Unísono
considera que son competencia unicamente súa.
- Mentres eles aproveitan para poñernos
o último descanso a menos cinco (para que o perdamos), nós
insistimos en que o teñen que poñer ás menos vinte, como moi tarde
(para que exista realmente esa marxe dos 15 minutos da que fala o
Convenio).
Posto que a denuncia que interpuxemos
en Inspección de Traballo non deu os froitos que agardabamos (porque
non teñen potestade para interpretar a lexislación), a sección da
CIG decidiu interpoñer CONFLITO COLECTIVO ante o xulgado. Será un
xuíz ou xuíza quen determine quen ten a razón ante estas cuestións que
plantexamos, porque a empresa non ten vontade ningunha de negociar
(pese ós nosos reiterados intentos). Seredes as primeiras e os primeiros en
coñecer o resultado!!
Sem comentários:
Enviar um comentário