Todas
e cada unha das medidas tomadas por Unísono en Vigo dende hai 2
anos, tiveron coma obxectivo desfacerse do persoal indefinido,
substituíndo este por persoal con contratos temporais cada vez máis
precarios.
A
empresa comunicounos o pasado venres un artigo 17 para todo o persoal
con contrato temporal da campaña de GolTV, 9 persoas.
O
resto de traballadores e traballadoras que quedan nesta campaña
teñen contrato indefinido e levan de media 7 anos de antigüidade na
empresa. Moitos destes contratos foron transformados en indefinidos
por estar en Fraude de Lei.
Unísono,
no seu escrito de comunicación do artigo 17 para GolTV, di que en
total sobra a metade do persoal, sobre 55 persoas (1.955 horas).
Legalmente só pode despedir a 9 persoas, pero o que lle gustaría
facer sabémolo todos e todas. Despois de 2 ERE's nos centros de
Vigo, as manobras da Dirección cheiran de lonxe.
Unísono
agrupa a maior parte do persoal indefinido nunha campaña estacional:
GolTV.
Nas
campañas máis estables, coma en ING, mantén persoal con contrato
por obra, realiza novos contratos eventuais polo medre do número de
chamadas, e pretende chegar a facer 20 contratos máis de formación
(contrato inventado polo PP, mediante o que ao persoal lle pagan só
o 66% do salario e teñen a cota da Seguridade Social bonificada).
Que
pretende Unísono? Quere convencer a alguén da necesidade de tomar
novas medidas?
Señores
de Unísono: xa está ben de castigar permanentemente aos centros de
traballo de Vigo. Traian campañas estables coma as que manteñen no
resto de centros!
Ante
esta situación, xa nos temos dirixido a Dirección de Unísono en
Madrid para emprazala a abrir unha negociación que dote de
estabilidade aos centros de Vigo. Estamos porque se recoloque ao
persoal indefinido en postos nos que se garanta a súa estabilidade.
Xa
está ben de despedir aquí e levar o traballo estable a outros
lados!!!
Vigo,
14 de marzo de 2014
Sem comentários:
Enviar um comentário