Resumo Comisión de Seguemento do 26/xuño/2013

A empresa agora ten moito traballo, pero todo en horario contrario ó dos traballadores/as. Iso en moitos casos imposibilítalles a reincorporación. Inspección dálle o beneplácito á empresa para que contrate persoal da rúa e a sección da CIG é a única voz que insiste unha vez e outra na importancia de realizar máis esforzos para garantizar o posto das traballadoras afectadas. SE QUERES OU PODES CAMBIAR DE QUENDA DE MAÑÁ Á TARDE, OU SE QUERES TRABALLAR EN ING PONTE EN CONTACTO CON NÓS.

Resumo Comisión de Seguemento do 26/xuño/2013

A empresa emprazounos a unha reunión, coa presenza de Inspección. A situación actual é que se está xenerando exclusivamente traballo en turno de tarde para a campaña de ING. Actualmente hai 12 vacantes ademais dunha previsión de certo crecemento.

En canto ás 46 persoas afectadas polo ERTE actualmente, hai 7 persoas de baixa médica e 14 xa estiveron ou non superaron o exame de ING***. Segundo a empresa, dos 39 restantes, só seis, poden aceptar ese novo posto.

A posición da CIG foi que se fixeran máis esforzos. Para lograr solucionar o problema do persoal que non pode ser recolocado en ING (porque xa estivo ou non superou exame), solicitámoslle á empresa que movese a persoal que si cumpra o perfil de outras campañas (Gas, RCI, Central Lechera, R) para ING, e que cubra esa nova vacante con persoal do ERTE. Para solucionar o problema dos turnos (a maioría tedes turno de mañá e non podedes aceptar o turno de tarde), propuxémoslle á empresa que ofrecese proactivamente mediante un comunicado persoal e mediante publicación de blog o cambio da mañá á tarde, coa fin de que se xenerase unha vacante de mañá que si puidera ser cuberta con persoal afectado.

Lamentablemente, estas peticións non foron apoiadas por ningunha outra sección de xeito firme. A empresa insistiu en que xa realizou todos os esforzos posibles e que non pode “desvestir” máis as campañas. Seguiremos intentando traballar nesta vía.

Finalmente, e dado que estas vacantes en concreto non se puideron cubrir, chamarán ó persoal de obra, segundo os seus criterios (lembremos que se trata de ING). Se por algunha razón o persoal de obra non fose suficiente para cubrir eses seis postos, chamarán a persoal da rúa.

En futuras vacantes volverán chamar igualmente a todo o persoal afectado.

En canto ás previsións de traballo, a empresa informa que as novas contratacións son puntuais en Madrid, para cubrir vacacións, con contratos eventuais. Fica pendente, a finais de mes, que nos faciliten un listado pormenorizado co número de campañas e axentes que puidese haber. En canto a Unísono Vigo, como se comentou máis arriba, prevese certo crecemento en ING, ademais de GOLTV, aínda que nesta última campaña, como sabedes, o traballo é máis inestable.

Concretamos ademais temas pendentes:

-aquelas persoas que estades pendentes da nómina complementaria, aínda pode ser que vos sexa ingresada nesta semana. En caso contrario, a empresa confirma que na próxima nómina virían eses días pendentes.

-a empresa confirma que aquelas persoas que estabades de baixa antes de entrar neste ERE cobraredes o 100%. Aquelas persoas que entrastes en baixa despois de entrar no ERE, cobraredes igual que o resto dos compañeiros/as, o 77% (a empresa tería que abonar só o 2%, posto que o 75% págao o INSS).

- o inspector dános a razón e afirma que efectivamente a empresa tería que tervos notificado as condicións nas que estabades cando entrastes no ERTE. Ben mediante comunicación no taboleiro unha vez chegado o acordo, ben mediante comunicación individual. Lembrade que se algunha persoa quere as condicións pódellas solicitar á empresa ou ó comité, mediante escrito.

- O inspector verifica que no caso de que unha persoa rexeite un posto con características diferentes ás que tiña, non perdería a prestación por desemprego.

QUEREMOS FACER FINCAPÉ en que é responsabilidade de todos/as defender o noso posto de traballo. Nós recomendámosvos que aceptedes o posto que vos ofrezan en inicio, porque é máis fácil pelexar polo turno inicial dentro da empresa que fóra. No caso de que efectivamente non poidades asumir este turno, na sección da CIG seguimos estando dispostas a pelexar todo o necesario para lograr que conservedes o traballo. CALQUERA DÚBIDA, CONTACTADE CON NÓS!!

**se xa estiveches en ING e te “devolveron” á túa campaña de orixe sen darche motivo, por favor ponte en contacto con nós.